- 0800 073 1290
- www.telewest.co.uk/goingdigital
Beth yw Telewest?
Mae Telewest yn darparu gwasanaethau teledu digidol, band llydan a ffôn. Nid oes angen dysgl na llinell ffôn ychwanegol gan bod holl wasanaethau Telewest yn cael eu darparu trwy ei rwydwaith cebl ei hun a bocs digidol.
Pa offer fydd ei angen arnaf?
Bydd peiriannydd yn gosod bocs digidol a chyswllt cebl ar eich cyfer.
Faint fydd yn ei gostio?
Mae pecynnau teledu digidol gan Telewest yn costio rhwng £5.50 a £17.50 pan fyddwch yn cymryd llinell ffôn am £10.50.
Ai un cost a delir neu a fydd angen talu tanysgrifiad?
Tanysgrifiad. Contract misol 12 mis o leiaf.
Sut mae’n cael ei osod?
Bydd peiriannydd yn dod allan i’w osod i chi.
Pa sianelau a gwasanaethau safonol y byddaf yn eu cael?
- Ystod eang o sianelau o ansawdd ym mhob pecyn.
- Llyfrgell deledu a ffilmiau fawr y gallwch fanteisio arni pryd bynnag y byddwch yn dymuno gwneud hynny.
- Bydd Telewest yn gofalu am unrhyw offer ac yn ei drwsio heb godi unrhyw dâl ychwanegol.
- Rheolaeth i rieni.
Pa wasanaethau ychwanegol y mae Telewest yn eu cynnig am gost ychwanegol?
Recordio digidol: recordio dwy raglen ar yr un pryd a recordio hyd at 80 awr o raglenni gyda TVDrive, peiriant recordio digidol Telwest sy’n eich galluogi i rewi ac ailddirwyn teledu byw.
Diffiniad uchel: os byddwch yn tanysgrifio i TVDrive, byddwch yn gallu manteisio ar raglenni diffiniad uchel yn awtomatig heb orfod talu cost ychwanegol.
Sky Sports a movies: mae Sky Sports a Sky movies ar gael i’w hychwanegu at eich tanysgrifiad.
Teledu Telewest o gwmpas eich cartref: gwylio teledu Telewest mewn gwahanol ystafelloedd yn y cartref o £5 y mis.
A yw’r gwasanaeth ar gael?
Nodwch eich cod post yn archwiliwr cod post Digital UK neu trowch at wefan Telewest.
