Cyn i chi siarad gyda’ch manwerthwr neu gyflenwr, mae’n werth ateb y cwestiynau hyn er mwyn i chi gael syniad o’r hyn y bydd ei angen arnoch efallai:

Sawl set deledu sydd yn y tŷ?

Bydd angen newid pob set i fod yn ddigidol.

A oes gennych set deledu du a gwyn?

I newid set deledu du a gwyn, bydd angen i chi gael bocs digidol sy’n cynnwys ‘Modylydd RF'.

Sawl soced scart sydd yng nghefn pob set deledu?

Mae’r bocs digidol yn cael ei blygio i mewn i soced scart ar eich set deledu. Os nad yw’n cynnwys soced scart, bydd angen i chi gael bocs digidol sy’n cynnwys ‘Modylydd RF’.

Faint o wifrau scart y bydd eu hangen arnoch?

Mae gwifren scart yn cysylltu bocs digidol (ac offer arall) gyda’ch set deledu. Bydd rhai bocsys digidol yn eu cynnwys – ni fydd rhai’n eu cynnwys. Fel arfer, bydd angen i chi gael un gwifren scart ar gyfer pob darn o offer a fydd yn cael ei gysylltu â’ch set deledu.

A ydych chi’n recordio un sianel wrth i chi wylio un arall?

Os ydych, bydd angen i chi gael peiriant recordio digidol. Dylech ystyried gofyn am beiriant recordio digidol gyda thiwniwr deuol os ydych yn dymuno ei ddefnyddio i newid eich set deledu ar yr un pryd.

A oes angen erial newydd arnoch?

Trowch at y dudalen profi erial i weld a oes angen diweddaru’ch erial.

Cofiwch edrych am y tic digidol pan fyddwch yn prynu unrhyw offer teledu newydd, mae’n golygu ei fod wedi cael ei gynllunio i weithio ar ôl y newid i ddigidol.